Launagreiðendur þurfa að standa skil í sjóðinn frá 1.mars 2010. Sé ekki búið að skila inn skilagreinum eða greiðslum frá því tímabili geta launagreiðendur átt von á því að dráttarvextir leggjist á iðgjöld til sjóðsins, ásamt innheimtukostnaði.

Frestur til að ganga frá vangreiddum iðgjöldum til sjóðsins er til 1.júní 2012.

Í reglum Mannauðssjóðs SAMFLOTS segir: Sjóðsstjórn heldur fundi að jafnaði þriðja hvern mánuð og er umsóknarfrestur: 15. febrúar, 15. maí, 15. ágúst, 15. nóvember. Umsóknir sem lagðar eru fyrir fund eru afgreiddar í lok viðkomandi mánaða.

Umsóknarfrestur fyrir maí fund er því liðinn. Allar umsóknir er hafa borist með fullnægjandi gögnum verða lagðar fyrir fund stjórnar Mannauðssjóðs SAMFLOTS í lok maí.

Næsti umsóknarfrestur er til og með 15.ágúst 2012.

Þar sem umsóknir í sjóðinn hafa verið umfram áætlanir eru samþykktir styrkir greiddir út til stofnanna um það bil þremur mánuðum eftir að reikningar og greinargerð hafa skilað sér til sjóðsins að verkefni loknu, eða eftir stöðu sjóðsins hverju sinni.

Ánægjulegt er að stofnanir nýti sjóðinn svo vel til starfsþróunar sinna starfsmanna, og þakkar sjóðurinn fyrir biðlundina.